മരണവും ന്യായവിധിയും - മാറ്റുവാന്‍ ആര്‍ക്കും സാദ്ധ്യമല്ലാത്ത ദൈവിക നിയമനങ്ങള്‍! മരിക്കുമെങ്കില്‍ ന്യായവിധിയും നേരിട്ടേ പറ്റൂ.. അതിനുള്ള സമയവും നടപടി ക്രമങ്ങളും ദൈവം നേരത്തെ തന്നെ നിശ്ചയിച്ചു കഴിഞ്ഞു..!! അതനുസരിച്ച് മനുഷ്യര്‍ ബുദ്ധിപൂര്‍വ്വം ഒരുങ്ങേണ്ടതിന്നു അവിടുന്ന്‌ തന്നെ അത് നമുക്ക് മുന്‍കൂട്ടി വെളിപ്പെടുത്തി തന്നിരിക്കുന്നു.

ആത്മീയ മൂല്യങ്ങള്‍ക്ക് വില കല്‍പ്പിക്കാത്ത ഒരു സമൂഹത്തിന്റെ നിലനില്‍പ്പ്‌ എന്നും ആപത്കരമാണ്. ഒരു സമൂഹം എന്ന നിലയില്‍ നിറവേറ്റേണ്ട കടപ്പാടുകളും ദൈവത്തോടുള്ള ഭക്തിയും മറന്നുള്ള ജീവിതങ്ങളെ ദൈവം ന്യായം വിധിക്കുന്നതായി ചരിത്രത്തില്‍ കാണാം. ചരിത്രത്തിലെ ഇരുണ്ട അദ്ധ്യായങ്ങളാണവ. എന്നാല്‍ ആത്മീയ അന്ധകാരത്താല്‍ ഇരുളടഞ്ഞ സമൂഹങ്ങളെ നവീകരിക്കുവാന്‍ ചില വ്യക്തികളെ ദൈവം എഴുന്നേല്‍പ്പിച്ചിട്ടുണ്ട്. അവരുടെ ജീവിതം അനേകരെ സ്വാധീനിക്കുകയും ആത്മീയ പുതുക്കത്തിലേക്ക്‌ നയിക്കുകയും ചെയ്തിട്ടുണ്ട്. അങ്ങനെ സമൂഹങ്ങള്‍ വീണ്ടും ദൈവത്തിനായി ഉണര്‍ത്തപ്പെട്ടു.. അതായിരുന്നു കഴിഞ്ഞ കാലങ്ങളിലൊക്കെ ഉണ്ടായിട്ടുള്ള നവോത്ഥാനം!

ലോകചരിത്രത്തില്‍ അതിശയമാണ് യഹൂദന്‍ .ദൈവത്താല്‍ തിരഞ്ഞെടുക്കപ്പെട്ട ജനം. എന്നാല്‍ ദൈവത്തെ തിരസ്കരിച്ചതുമൂലം ദൈവ കൃപയില്‍ നിന്നും തള്ളപ്പെട്ടുപോയി. പക്ഷേ, ദൈവം തന്റെ പദ്ധതികള്‍ മതിയാക്കി പിന്‍ വാങ്ങുന്നില്ല.. ആ അത്തി വീണ്ടും തളിര്‍ത്തു ..

ജീവിതം ഓരോ നിമിഷവും ആസ്വദിച്ചു ജീവിക്കണം. അതാണ്‌ ഇന്നത്തെ തലമുറയുടെ പ്രമാണം. ഒന്നുമില്ലെങ്കിലും ഉള്ളവനെപ്പോലെ ജീവിക്കാന്‍ പാടുപെടുന്നവരും.  എന്നാല്‍  നിങ്ങള്‍ ആരുതന്നെ ആയിരുന്നാലും ദൈവം വച്ചിട്ടുള്ള പ്രമാണങ്ങളെയും ലക്ഷ്യങ്ങളെയും മറന്നുള്ള ജീവിതം തെറ്റാണെന്ന് ദൈവം പറയുന്നു. അവസാനം അത് ഒരു നഷ്ടക്കച്ചവടമായിരിക്കും! ഓഹോ, അപ്പോള്‍ അതിനുള്ള പോംവഴി എന്താണ്?